texnologiya

Santo-Dominqo

brendi — Fri, 13 May 2016 18:40:50 GMT

Santo-Dominqo Dominikan respublikasının paytaxtıdır. Şəhər Amerika qitəsində, Haiti adasının cənub-şərqində Karib dənizinin sahilində yerləşir. Əsası 1502-ci ildə qoyulan şəhərin ilk adı Müqəddəs Dominikanın şərəfinə Yeni İzabella adlandırılmışdı. Şəhərin ərazisi 104,44 kvadrat km-dir.

İqlimi tropik, nəmlidir. İllik orta tempratur +24 - +27 dərəcə C-dir. İllik yağıntı norması isə 1460 mm-dir.

Santo-Dominqonun əhalisinin sayı 2 milyondan çoxdur. Şəhərin 70%-i mulatlar, 10%-i zəncilər və 20%-i isə avropalılardır. Dövlət dili isə ispan dilidir. Dindarların 95%-i katoliklərdir. Santo-Dominqonun əsas nəqliyyat sistemlərindən biri 3 xəttdən ibarət şəhər metropolitendir.

Santo-Dominqo şəhərinin arxitekturasında qotika, renessans, ərəb və roman üslublarından istifadə olunub.

1507-ci ildə düşmənlərdən qorunmaq üçün yerli əhali ən hündür bina olanTorre Del de Omenaxe qalasını inşa etdilər.

Alkasar sarayı 1514-cü ildə Xristafor Kolumbun oğlu tərəfindən tikilib. Saray sıldırım qayanın üstündə Eresma və Klamores çaylarının birləşdiyi yerdə tikilib. Saraydan Santo-Dominqo şəhərini aydın görmək mümkündür.

Santa Mariya la Menor kilsəsi 1512-ci ildə ispan memar Alonso Rodriqesin layihəsi əsasında Fray Qarsiya Padilya yepiskopunun rəhbərliyi ilə tikilib. Kilsə özündə barokko və qotika üslubunun elementlərini birləşdirir. Kilsənin ümumi sahəsi 3000 kvadrat km-dir.

Kolumb mayakı isə 1986-1992-ci illərdə tikilib. Tikiliyə təxminən 70 milyon dollar sərf edilib. Mayak məşhur ispan səyyahı Xristofor Kolumbun şərəfinə tilkilib. Mayakın sonuncu mərtəbəsində 157 mayak quraşdırılıb ki, bunlar sayəsində işığı bir neçə kilometrdən görmək mümkündür.

Oslo

brendi — Sat, 20 Feb 2016 08:21:36 GMT

Oslo Norveçin ən böyük şəhəri və paytaxtıdır. Şəhər Norveçin cənub-şərq hissəsində yerləşir və əhalisi təxminən 600.000-ə yaxın, sahəsi 454 kvadrat kilometrdir. Oslo həmçinin Norveçin sənaye və mədəniyyət mərkəzlərindən sayılır. Oslo Vyervika, Pipervika və Froqnera körfəzlərinin sahilində yerləşir.

İsland səyyahı Snor Sturlusonun “Yer ətrafında səyahət kitabına” əsasən təxmin temək olar ki, Oslonun əsası 1048-ci ildə III Harald tərəfindən qoyulmuşdur. Qədim Oslo iki qaladan kral sarayı və yepiskop sarayından ibarət idi. Şəhərin qala divarları içində həmçinin 9 kilsə, 1 hospital və 400-ə yaxın yaşayış evləri mövcud idi.

Oslo şəhərinin orta illik tempraturu +6,4 C-yə bərabərdir. İyul ayı üçün orta aylıq tempratur +17,2 C, yanvar ayı üçün orta aylıq tempratur isə -2,9 C-yə bərabərdir. İllik yağıtı norması isə 805 mm-dir.

Oslonun əsas nəqliyyat vasitələri tramvay xətti, metro, şəhərdaxili elektrik qatarları və avtobuslardır. Həmçinin adalara səyahət etmək üçün su nəqliyyatından da istifadə olunur.

Qədim abidələrlə zəngin olduğuna görə hər il Oslo şəhəri daha çox turist qəbul edir. Turistlərin ən çox marağına səbəb olan abidələrdən biri də Akersxus qalasıdır. Burada Norveçin hərbi tarixi ilə əlaqədar bir neçə muzey fəaliyyət göstərir.

Oslonun opera teatrı-Norveçin milli opera teatrı olub, Borvik yarımadasımda yerləşir.

Kral sarayı isə Oslonun qərbində yerləşir. Sarayın həmçinin gözəl parkı da var.

Şəhərin mərkəzində Oslo şəhər zalı yerləşir ki, bu binada hər il Dünya Nobel mükafatının təqdimetmə mərasimi keçirilir.

Müqəddəs Trois kilsəsi Oslonun mərkəzində yerləşir və 1858-ci ildə Yens Lauris yepiskopu tərəfindən əsası qoyulmuşdur.

Oslonun məşhur muzeyi olan “Vikinqlərin gəmi muzeyi” Büqde yarımadasında yerləşir.

Oslonun mərkəzində yerləşən Kafedral kilsəsi isə1694-1697-cü illərdə tikilib.

Kanberra

brendi — Sat, 06 Feb 2016 14:09:52 GMT

Kanberra Avstraliya ittifaqının paytaxtı, həmçinin ən böyük şəhərlərindən biridir. Şəhər 1908-ci ildən etibarən Avstraliya ittifaqının paytaxtı hesab edilir. Kanberranın sahəsi 814,2 kvadrat km olub, Brindabella dağ silsilərinə yaxın və Avstraliyanın şərqindən 150 km məsafədə yerləşir. Kanberra şəhəri bataqlıqlar və quru ekvalipt meşələri ilə əhatə olunub. Şəhərin mərkəz hissəsindən Molonqlo çayı, şimali-şərq hissəsindən isə Marrambidci çayı axır. Avropalıların Kanberriyə kütləvi axınından qabaq burada nqunnaval və valqal tayfaları məskunlaşmışdılar. Elə Kanberra şəhərinin mənası da qədim nqunnaval dilindən tərcümədə “bir yerə toplaşmaq üçün məkan” mənasını verir.

Kanberranın iqlimi subtropik kontinentaldır. Şəhər coğrafi enlikdə yerləşdiyinə görə burada 4 fəsli aydın müşahidə etmək olar. Kanberrada orta illik ən isti tempratur +13,2 C yanvar ayında qeydə alınır. Orta illik ən soyuq tempatur isə -1 C iyul ayında qeydə alınır.

Kanberranın əsas nəqliyyat vasitəsi avtomobildir. Ancaq əhalinin müəyyən hissəsi işə avtobusla, piyada və velosipedlə də gedirlər. Kanberra şəhərini isə digər şəhərlərlə dəmiryol xətti birləşdirir.

Kanberranın əhalisi demək olar ki, cavanlardan təşkil olunub. Əhalinin orta yaş həddi 32 yaş və ancaq 8,3% əhalinin yaşı 65-dən yuxarıdır. Kanberranın əhalisinin əksəriyyəti ingilis dilində danışır. Həmçinin əhalinin müəyyən hissəsi çin, italyan, xorvat və yunan dillərində də danışırlar.

Kanberranın mədəniyyəti və arxitekturası çox zəngindir.

Hərbi Avstraliya memorialı – tikili Avstraliyanın ən böyük tikilərindən biridir.

Avstraliyanın milli muzeyi isə möhtəşəm arxitekturası ilə insanı valeh edir.

Avstraliyanın milli botanik bağı Blek Mauntin dağının ətəyində yerləşir.

Kanberranın milli zooparkı və akvariumu – burada müxtəlif tipli heyvan növləri saxlanılır. Burada həmçinin turistlərə heyvanları yemləmək üçün şərait də yaradılıb.

Kanberranın milli kitabxanasında isə 5 milyona yaxın müxtəlif dillərə tərcümə olunmuş kitablar var.

Petra

brendi — Fri, 22 Jan 2016 13:21:19 GMT

Petra şəhəri dünyanın ən qədim nadir incilərindən biri hesab olunur. Şəhər İordaniya ərazisində dəniz səviyyəsindən 900 metr hündürlükdə yerləşir. Petranın adı yunan dilindən tərcümədə “daş” mənasını verir. Qədim dövrdə burada məskunlaşan nəbatilər öz evlərini dağın qoynunu oyaraq düzəltdiklərinə görə şəhəri belə adlandırmışdılar. Petra şəhəri Nəbati xanlığının paytaxtı elan olunmuşdu. Nəbatilərin hakimiyyəti miladi tarixinin ikinci yüz illiyinə qədər davam etmişdir. 106 - cı ildə Roma imperiyası bu ərazini işğal edərək öz torpaqlarına qatmışdır.

Petra nəbatilər hakimiyyətinin qüdrətli dövründə mühüm ticarət mövqeyinə malik idi. O Fars körfəzi ilə Aralıq dənizini ticarət baxımından bir-birinə birləşdirən nöqtələrdən sayılırdı. Yüz illər boyu davam edən bazar ticarəti şəhər əhalisininvarlanmasına səbəb olmuşdu. 2007-ci ildən etibarən Petra şəhəri “Dünyanın yeni 7 möcüzəsi” ndən biri sayılır.

İllik yağıntı norması Petra şəhərində çox az 15 sm-dir. Yerli əhali suyu saxlamaq üçün qayaların içində xüsusi kanallar qazıblar.

Şəhərə giriş hündürlüyü 100 metrdən böyük olan iki qayanın arasından keçir. Günəş şüaları bura düşmədiyi üçün cığır qaranlıq olur.

Petra şəhərinin sakinləri hələ qədim dövrlərdən “daş incəsənətinə” sahib idilər. Bunun ən məşhur nümunəsi kimi qaya kilsəsi “Əl-Xaznə” ni göstərmək olar. Ərəblər buranı “Fironun səltənəti” də adlandırırlar. Burada bir çox memarlıq abidələrinə istinadən güman edilir ki, kilsənin tikilməsində Misirli İskəndərin əməyi keçmişdir. Tikilinin mütəxəssislər tərəfindən bizim eranin II əsrinə aid olması təxmin edilir.

Şəhərin məşhur tikililərindən biri olan “Əd-Deyr” monastrı qayanın ən hündür zirvəsində yerləşir. Monastrın divarının eni və hündürlüyü 50 metrdir.

Monastrdan çox da uzaqda yerləşməyən “Üçmərtəbəli roma sarayı” görünüşünə görə insanı valeh edir.

Təbii ki, bütün tikililər xüsusi rituallar üçün tikilməmişdir. Belə ki, Petrada adi yaşayış evləri, həmçinin qəbirlər də tikilmişdir. Bunlardan biri bizim eranın birinci əsrində Ərəb ilahəsi Əl-Ussanın şərəfinə tikilmiş “Kəsr - Əl Bint” kilsəsidir.

Bali

brendi — Tue, 25 Aug 2015 07:30:01 GMT

Bali Kiçik Zond adalar qrupuna aid İndoneziyanın tərkibindəki ada şəhərlərindən biridir. Adanın cənub hissəsini Hind okeanın suları və şimaldan Sakit okeanın suları yuyur. Bali adasını qərbdən Yava adasından Kiçik körfəz, Şərq hissədən isə Lomboks körfəzi ayırır.

Bali ekvatorial qurşağa düşdüyü üçün burada 4 fəsildən yalnız ikisi müşahidə olunur. İyun ayından oktyabr ayınadək hava quru, noyabr ayından mart ayınadək hava nəmişli, yanvar və fevral ayları isə yağıntılı olur. İllik orta tempratur +26°C, dəniz suyunun tempraturu isə 26°C-28°C olur.

Adanın sahəsi 5780 kvadrat kilometrdir. Bali adası qərbdən şərqə doğru yüksək vulkanik aktivliyi olan dağ silsilələri ilə əhatə olunub.

Bali əhalisinin 83,5%-i induizlər, 13,3%-i müsəlmanlardır. Çox az hissə isə xristian və buddistlərdir. Adanın mərkəzi nəqliyyat sistemi Nqurax-Ray aeroportudur.

Pure Besaki - Kilsəsini indoneziyalılar "kilsələrin anası" adlandırırlar. Pure Besaki kilsəsi özündə 19 kiçik və 3 böyük kilsəni birləşdirir.

Tirtaqanqanın su sarayı - 3 kompleksdən ibarətdir. Birinci kompleksdə bir neçə göl və su fəvvarələri var. İkinci kompleks nəhəng su hovuzlarından ibarətdir. Üçüncü kompleksdə isə bir neçə restoran və 4 qonaq otağı var.

Qit-Qit şəlaləsi - Balinin ən hündür şəlalərindən biridir. Təmiz dağ çayı 40 metr hündürlüyündəki qayalardan süzülür. Şəlalənin aşağı hissəsində su yığılır ki, burada da çimmək olar.

Qununq Batur vulkanı - 1717 metr hündürlükdə Bali adasının şimali-şərq hissəsində yerləşir. Vulkanın təpə hissəsinin diametri 13,8x10 km-dir. Təpə hissəsində göl, vulkanik konuslar və kraterlər mövcuddur.

Qununq Kavi kilsəsi - Adanın ən qədim mağara kilsələrindən biridir. Kilsə Pakrison çayının sahilində yerləşir. Kilsəyə daxil olmaq üçün təxminən 300 pilləkanla aşağı düşmək lazımdır. Kilsənin qərb hissəsində 4 barelyef və şərq hissəsində isə 5 barelyef mövcuddur.

Pura Ulun Danu kilsəsi - bu kilsə Bratan çayının sahilində yerləşir. Kilsəni əhatə edən göl "müqəddəs" sayılır. Əfsanələrə görə əgər kimsə gölün suyunda çimərsə həmin şəxs uzunmüddətli sağlam olar.

Praqa

brendi — Sun, 21 Jun 2015 07:25:43 GMT

Praqa-Çex Respulkasının paytaxtı və ən böyük şəhərlərindən biridir. Praqa Çexiyanın şimal mərkəzində, Vltava çayının sahilində yerləşir. Şəhərin ərazisi 496 kvadrat metrdir və əhalisi 1,2 milyondan çoxdur. Praqa Avropanın ən gözəl paytaxt şəhərlərindən biridir. Şəhər başdan-başa qədim tarixi qalalarla əhatə olunub.

Hələ 7000 il əvvəl Praqada müxtəlif millətlər yaşayırdı. Bizim eranın 6-cı əsrində bu şəhərdə slavyanlar məskunlaşmağa başlayıblar.

Praqanın iqlimi dəyişkən və mülayimdir. Tez-tez cənub küləyi əsir. Orta tempratur yanvar ayında -1,4 °C, iyulda isə +18,2 °C-dir. İllik yağıntı norması 500 mm-dir. May ayından avqust ayınadək hava yağıntılı, yanvar və fevral ayları yağıntısız keçir.

Praqanın rəsmi dili çex dilidir. Həmçinin əhalinin əksəriyyəti alman, rus və ingilis dillərində sərbəst danışa bilirlər. Əhalinin 70%-i katolikdir.

Praqa şəhəri beynəlxalq avtomobil transportunun mərkəzi sayılır. Belə ki, Praqadan Avropanın əksər şəhərlərinə birbaşa avtobuslar işləyir. Şəhər transportuna həmçinin metropoliten və tramvay da daxildir. Praqa metropoliteni 3 xətt üzrə hərəkət edən 57 stansiyadan ibarətdir.

Praqadakı hər bir binanın özünəməxsus arxitekturası mövcuddur. Praqada 18 möhtəşəm daşdan və dəmirdən hazırlanmış körpülər Vltava çayının sahilini birləşdirir. Karlov körpüsü orta əsrlərin memarlıq abidəsi sayılır. Körpünün uzunluğu 520 m, eni isə 9,5 metrdir. Əvvəl bu körpü "Praqa körpüsü" adlansa da 1870-ci ildən etibarən IV Karlın şərəfinə adlandırılmışdır.

Müqəddəs Vita kilsəsi Avropada qotika üslubunun ən gözəl nümunələrindən biri sayılır. Kilsədə çex kralları və praqa arxeopiskopları dəfn edilmişdir.

Vişeqrad qalası Vltava çayının sahilindəki təpədə yerləşir. Qalanın içində bir neçə kilsə, qəbiristanlıq və bir çox tarixi abidələr var.

Vaslav meydanı dünyanın ən böyük şəhər meydanlarından sayılır. Bu meydanda bir çox tarixi hadisələr keçirilib, hal-hazırda isə ənənəvi yürüşlər keçirilir.

Troy sarayı Praqada ilk yay sarayıdır. Saray 1679-1691-ci illərdə Ştrenberk qrafının şərəfinə tikilib.

Mexiko

brendi — Fri, 23 Jan 2015 19:19:04 GMT

Mexiko – Meksikanın paytaxtı olub, 16 rayondan ibarətdir. Əhalisi 8,8 milyon nəfərdir və dünyanın ispandilli böyük şəhərlərindən biridir. Meksikanın əsası 1325-ci ildə hindular – asteklər tərəfindən qoyulmuşdur. Şəhərin əsas sakinləri olan asteklərin əsas məşğuliyyəti ovçuluq və balıqçılıq idi. Qədim Mexiko bir neçə kənddən ibarət idi. Onlardan biri olan Tenostitlananın ərazisi təxminən 7,5 km² idi.

Tenostitlana şəhəri su kanallarının əhatəsində yerləşirdi. Elə ona görə də bu kəndi birinci dəfə görən avropalılar onu “Asteklərin Venesiyası” adlandırdılar. 1512 – ci ildə Tenostitlana şəhərinin dağılması nəticəsində müasir Mexiko şəhəri salındı. Sonrakı illərdə Mexiko inkişaf edərək dünyanın müasir şəhərlərindən birinə çevrildi. Elə bunun da nəticəsi olaraq 1968-ci ildə Mexikoda XIX yay olimpiya oyunları və 1970-ci ildə isə Futbol üzrə dünya çempionatı keçirildi.

Mexiko şəhəri demək olar ki, ölkənin mərkəzi hissəsi sayılır. Şəhər 2240 m dəniz səviyyəsindən yüksəkdə yerləşir. Şəhər hər tərəfdən dağ silsilələri ilə əhatə olunub. Mexikoda bəzən güclü zəlzələlər qeyd olunur. Ən katastrofik zəlzələ 19 sentyabr 1985-ci ildə baş vermişdir. Bu zəlzələ nəticəsində 10000 insan həlak olmuşdu və 100 m-lik teleqüllə dağılmışdı. Mexiko mülayim iqlimə malikdir. Belə ki, orta illik temperatur yanvar ayı üçün +12⁰C, iyul ayı üçün +17⁰C – dir. İllik yağıntı norması standart normadan bir az 750 mm-dir.

Mexikoda əhalinin əksəriyyəti ispan dilində danışır. Böyük biznes strukturlarında isə ingilis dilindən istifadə olunur. Meksika əhalisinin əksəriyyəti katolikdir və bəzən kilsələrə gedirlər.

Mexikonun əsas nəqliyyat vasitələrindən biri metropolitendir. Mərkəzi stansiyalarda qatar yerin altı ilə hərəkət edir, sonra isə yerin üstünə cıxır. Gün boyu bu nəqliyyat vasitəsindən təxminən 4 milyona yaxın insan istifadə edir.

Mexikoda 100-dən çox muzey, həmçinin milli tarix muzeyləri də fəaliyyət göstərir. Şəhər demək olar ki, başdan – başa unikal tikililərdən ibarətdir. Burada həmçinin 10 arxeoloji park da mövcuddur. Şəhərin Paseo-de-la-Reforma prospektində möhtəşəm “Müstəqillik mələyi” abidəsi yerləşir.

Mexikonun mərkəzində yerləşən “Katolik kilsə” möhtəşəm görünüşü ilə göz oxşayır. XVI əsrə aid bu möhtəşəm tikili barokko üslubunda tikilmişdir.

Mexikonun tarixi abidələrindən biri olan "Mərkəzi saray" və "Ovçu Diananın fəvvarəsi" turistlərin ən çox maraqlandığı yerlərdən biridir.