Nəhəng İT kompaniyaları öz servis və saytlarının çatışmayan və zəif tərəflərini aşkara çıxarmaq üçün tez-tez müxtəlif yarışlar elan edirlər. Bu dəfə Facebook kompaniyası sosial şəbəkələr olan WhatsApp və Instagramda olan qüsurların tapılıb aşkara çıxarılması üçün yarış iştirakçıları arasında pul mükafatı elan etdi.

Bütün mütəxəssislərin təəccübünə səbəb olan 10 yaşlı finlandiyalı xaker instaqramda çox ciddi nöqsan aşkar etdi. Belə ki, xaker istənilən istifadəçinin paylaşdığı postu bu nöqsan sayəsində silə bildi. Buna görə də Yani adlı xaker 10.000 dollar mükafat qazandı.

Təhlükəsizlik baxımından Yaninin instaqramı necə sındırdığı barədə ictimaiyyətə heç bir şey açıqlanmadı. Ancaq güman edilir ki, xaker instaqramın server bazasında cari kodları yeni kodlarla əvəz etmişdi. Facebook-un mütəxəssisləri bu nöqsanı təsdiqlədilər və bunu tezliklə aradan qaldıracaqlarını bildirdilər. Bu nöqsanın aradan qaldırılması Facebook şirkətinə 4,3 milyona dollara başa gələcək.