Samsung və LG kompaniyaları yeni trend olan elastik displeylərin hazırlanmasına maraqlıdırlar. Ancaq çin şirkəti Moxi Group bu ilin sonuna qədər satış bazarına elastik smartfonların çıxarılacağı barədə məlumat yayıb.

Həmçinin şirkətin vitse prezidenti Çon Şen Yunun verdiyi məlumata əsaslanaraq demək olar ki, smartfonlarda elektron mürəkkəb bazasının əsasında ağ-qara displeydən istifadə ediləcək. Ağ-qara modellərdən fərqli olaraq rəngli modellərdə enerji sərfiyyatı daha çoxdur.

Bu ağ-qara displeyli smartfonun qiymətinin təxminən 760$ olacağı bildirilir. Şirkətin əməkdaşları rəngli elastik telefonların satışına isə 2018-ci ildən başlayacaqlarını bildirirlər.

Elastik displeylərin hazırlanması üçün qrafen qatından istifadə olunur (qrafen-karbon atomunun nazik təbəqəsindən hazırlanır). Əlbəttə ki, smartfonun bütün hissələri elastik olmayacaq. Elastik batareyanın hazırlanması, elastik displeyin hazırlanmasından çətin başa gəlir.