Google şirkəti gözün almacığına yerləşdirilən yeni smart qurğusunu patentləşdirdi. Bu qurğunu gözə taxıb onu büllurda xüsusi məhlulla bərkitmək lazımdır. Süni büllur birinci növbədə istifadəçinin zəif görməsini bərpa etmək üçün nəzərdə tutulub. Bu qurğu xüsusi linzadan, yaddaşdan və ötürücüdən ibarətdir. Smart qurğu xüsusi batareyalarla işləyir. Bu batareyalar “enerjidaşıyıcı anterlər” in köməyilə dolur. 

Google şirkəti linzalarla bağlı bundan əvvəl də bir neçə layihə işləmişdilər. Google şirkəti 2014-cü ildə “ağıllı patent” olan kontakt linzaların qeydiyyatı üçün ərizə vermişdilər. Bu qurğu sayəsində göz yaşı nəticəsində qlükozanın səviyyəsini ölçmək mümkün idi.

Ancaq bu oblastda da əsas patent Google şirkətinə aid deyil. Bundan əvvəl Sony və Samsung şirkətləri də kontakt smart linzaları patentləşdirmişdilər.