Statistika |
Onlayn olanlar 1 Qonaqlar 1 İstifadəçi 0 |
|
Kataloqdakı materialların sayı: 10 Materiallar göstərilib: 1-10 |
|
Antoni van Levenhuk Hollandiyanın Delft şəhərində yaşayırdı. Atası və babası kimi o da yun alveri ilə məşğul olurdu. 1654-cü ilədək Amsterdamda xəzinədar və mühasib işləmişdi.Levenhuk hər gün boş vaxtlarında yaşadığı evin arxa otağında oturub qapını bağlayırdı ki, heç kəs ona mane olmasın. |
Jukovski özü heç vaxt təyyarəçi olmamışdı. O, böyük alim, mexanika və riyaziyyat sahəsində görkəmli mütəxəssis idi. Lakin həyatının çox hissəsini insanlara uçmağı öyrətməyə sərf etmişdi. |
Sorbonna universitetinin tələbəsi Mariya Sklodovskaya ilk dəfə Pyer Küriyə rast gələndə Pyer artıq tanınmış fizik idi. Elmə olan həvəs onları yaxınlaşdırdı. Sonralar onlar bir-birlərini sevdilər, evləndilər, işdə bir-birinin ən yaxin məsləhətçisi və köməkçisi oldular. Onlar taxtadan tikilmiş köhnə bir daxmada elmi tedqiqatla meşğul olurdular. |
Mikelancelo
intibah dövrünün böyük italyan heykəltaraşı, memarı və şairi olmuşdur. Onun
uşaqlığı Florensiyada keçmişdir. İstedadı çox erkən aşkara çıxmış, atasının
etirazına baxmayaraq həyatını incəsənətə həsr etməyi qərara almışdır. 13
yaşında Mikelancelo rəssam yanında şagird olmuş, 25 yaşında isə artıq məşhurlaşmış,
gözəl heykəltaraşlıq əsərləri yaratmışdı. 26 yaşında o öz üzərinə çox çətin bir iş
götürmüşdü. Bir heykəltaraş hündürlüyü 5 metr olan mərmər qayadan heykəl
yonmağa başlamış lakin mərməri korlayıb atmışdı. |
Nəsirəddin
Tusi Həmədan şəhərində doğulmuşdur. Onun əsil adı Məhəmməd, atasının adı Məhəmməd,
babasının adı Həsən, ləqəbi Nəsirəddin idi. Tusi ləqəbi isə təhsil aldığı Tus şəhərinin
adındandır. Nəsirəddin Tusi marağa rəsədxanasının
banisi, dövrünün ən güclü riyaziyyatçısı və astronomlarında biri idi. |
Fransa ağır günlər keçirirdi. İngilislərlə müharibə yüz il
idi ki, davam edirdi. Ölkənin çox hissəsi işğalçıların əlinə keçmişdi. Daim öz
aralarında çəkişən fransız cəngavərlərinin bir hissəsi geri çəkilmiş bir hissəsi
isə düşmənə satılmışdı. |
Buxara, Səmərqənd, Xarəzm və Nişapurda ona Əbu Əli
ibn Sina deyirdilər. Avropada isə onu Avisenna kimi tanıyırlar. O vaxtlar ən
savadlı adamlar belə inanırdılar ki, Yer yastıdır və hərəkət etmir, qızılı "fəlsəfə
daşı” nın köməyilə yəni yalançı kimyagərlərin uydurduqları üsul ilə əldə etmək
olar, "abi həyat” (dirilik suyu) hər bir xəstəliyi sağaldır, qocaları
cavanlaşdırır. Astronomiya, coğrafiya, fizika, kimya kimi elmlər isə hələ təzəcə
öyrənilməyə başlanırdı. İbn Sina hələ 10 yaşında ikən cəbr, həndəsə hətta fəlsəfə
barədə yaxşı təsəvvürə malik idi. Göydəki bütün ulduzları tanıyırdı və öz
sualları ilə müəllimlərini çətin vəziyyətə salırdı. |
Van Qoq 1853-cü il 30 mart tarixində, Hollandiyanın Breda şəhəri yaxınlığındakı Qrut-Zundert məntəqəsində Anna Kornelia Karbet və Teodor van Qoqun ailəsində anadan olmuşdur. 1869-1876–cı illərdə Haaqa, Brüssel, London, Paris kimi şəhərlərdə rəssamlıq müəssisələrində adi satıcı vəzifəsində çalışır. 1876–cı ildə İngiltərədə müəllim işləyir. Müəyyən dövrlərdə teologiyanı öyrənmiş, Belçikanın Borinaj şəhərində dini xadim kimi çalışmışdır. 1880–ci ilərdən başlayaraq, təsviri incəsənətlə məşğul olmağa başlayır. Brüssel (1880-1881) və Antverpendə (1885-1886) rəssamlıq akademiyalarında təhsil alır, Haaqada dövrünün tanınmış rəssamı A.Mauvedən məsləhətlər alır. Məhz bu məsləhətlər onun gələcək iş üslubuna təsir edəcək. 1880–ci illərdə onun əsərlərində tünd rənglərə, kəskin keçidlərə, "qəmgin" mövzulara rast gəlinir. Bu, həmin dövrdə rəssamın həyatında yaşanan dərin psixoloji probləmlərə və gərginliklərə işarədir. Məsələn, rəssamın "Kartof yeyənlər" (Ottyorlo) əsərini nümunə kimi götürmək olar. |
Pablo Ruiz Pikasso ispan rəssamı, heykəltəraşı, qrafiki, keramisti və
dizayneri 20-ci əsr incəsənətinin ən tanınmış şəxsiyyətlərindən biridir.
Pikasso uşaqlığından gəncliyinədək realistik tərzdə rəsmlər çəkməklə
əsrarəngiz incəsənət bacarığı nümayiş etdirib. XX əsrin ilk onilliyində
yeni mülahizələri, texnikaları və düşüncələri ilə təcrübə apardığından
onun incəsənətdə istiqaməti dəyişmişdir. Pikassonun yaradıcılıq bacarığı
özünü rəssamlıq, heykəltəraşlıq və dizaynla yanaşı, digər çoxsaylı
təsviri və tətbiqi-incəsənət sahələrində də göstərirdi. Pikassonun
yaradıcılıqda çevriliş etmiş nailiyyətləri ona dünya şöhrəti və həyatı
boyu sərhədsiz uğurlar gətirmişdir ki, bu da onu XX əsr incəsənətinin ən
məşhur şəxsiyyəti edib.
Pikasso rəssamlığa çox erkən yaşlarında başlamışdır. İlk rəssamlıq
dərslərini isə rəsm müəllimi olan atası Xose Ruisdən almış və tezliklə
bu sənətə mükəmməl yiyələnmişdir. 8 yaşında ikən özünün ilk ciddi əsəri
olan "Pikador"u yaradır və bunu bütün ömrü boyu özü ilə saxlayır. |
Nizami 1141-ci ildə Gəncə şəhərində anadan olmuş, bütün ömrü boyu orada yaşayıb yaratmışdır. Türk dilindən başqa ərəb və fars dillərini də mükəmməl bilən şairin yunan dili ilə də tanış olduğu, həmçinin qədim yunan tarix və fəlsəfəsini, astronomiya, tibb və həndəsə elmlərini yaxşı mənimsədiyi əsərlərindən aydın görünür. Nizami Gəncəvi yaradıcılığa lirik şeirlərlə başlamışdır. Nizami Gəncəvi böyük divan yaratmış, qəzəl və qəsidələr müəllifi kimi şöhrətlənmişdir. Nizami Gəncəvi lirikası yüksək sənətkarlığı, məhəbbətə dünyəvi münasibəti, insan taleyi haqqında humanist düşüncələri ilə seçilir. Lakin Nizami Gəncəvi dünya ədəbiyyatı tarixinə məsnəvi formasında yazdığı 5 poemadan ibarət "Xəmsə" ("Beşlik") müəllifi kimi daxil olmuşdur. 1177-ci ildə bitirdiyi "Məxzənül-əsrar" ("Sirlər xəzinəsi") adlı ilk poeması şairə böyük şöhrət qazandırmışdır. |
|
|
|