Fransa ağır günlər keçirirdi. İngilislərlə müharibə yüz il
idi ki, davam edirdi. Ölkənin çox hissəsi işğalçıların əlinə keçmişdi. Daim öz
aralarında çəkişən fransız cəngavərlərinin bir hissəsi geri çəkilmiş bir hissəsi
isə düşmənə satılmışdı.
Doğma torpaqların talan edilməsi fransız xalqı üçün
əsil fəlakət idi. Bir çoxları kimi gənc Jannanın da ürəyi bundan bərk sıxılır
o, daxilən əzab çəkirdi. Vətənin belə bir ağır günündə o, başqalarına mərdlik
nümunəsi oldu. O, böyük bir dəstə toplayıb, düşmən üzərinə yürüşə başladı. Dəstənin
qabağında ağ atda əynində zirehli paltar geymiş, əlində Fransanın bayrağını
tutmuş cəsur qız Janna irəliləyirdi.
Janna Dark
1429-cu ilin may ayında Jannanın dəstəsi Orlean şəhərini
ingilislərdən azad etdi. Xalq onu "Orlean qızı" adlandırmağa başladı. Ölkənin hər
yerindən Orlean qızının yanına silaha sarılmış kəndlilər, şəhər sənərlkarları
axışıb gəlirdilər. İngilislər bir-birinin ardınca zəbt etdikləri şəhərləri tərk
etməli olurdular.
Lakin fransız feodalları-baronlar,
qraflar,hersoqlar çox narazı idilər, onlar üçün silahlı kəndlilər ingilislərdən
də qorxulu idi. Odur ki, döyüşlərin birində Janna düşmənin əlinə keçəndə onlar
bu xalq qəhrəmanını xilas etmək üçün heç bir tədbir görmədilər. İngilislər
Jannanı bir il dustaq saxladılar. Nəhayət onu cadugər elan edib, 1431-ci ildə mayın
30-da kilsə məhkəməsinin hökmü ilə tonqalda yandırdılar. Ölümündən çox-çox
sonra 1496-cı ildə Fransa məhkəməsi Janna Darka bəraət qazandırmışdır.
1979-cu ildən etibarən hər il may ayının ikinci
bazar günü Fransada Janna Dark günü kimi qeyd edilir.
|