Buxara, Səmərqənd, Xarəzm və Nişapurda ona Əbu Əli
ibn Sina deyirdilər. Avropada isə onu Avisenna kimi tanıyırlar. O vaxtlar ən
savadlı adamlar belə inanırdılar ki, Yer yastıdır və hərəkət etmir, qızılı "fəlsəfə
daşı” nın köməyilə yəni yalançı kimyagərlərin uydurduqları üsul ilə əldə etmək
olar, "abi həyat” (dirilik suyu) hər bir xəstəliyi sağaldır, qocaları
cavanlaşdırır. Astronomiya, coğrafiya, fizika, kimya kimi elmlər isə hələ təzəcə
öyrənilməyə başlanırdı. İbn Sina hələ 10 yaşında ikən cəbr, həndəsə hətta fəlsəfə
barədə yaxşı təsəvvürə malik idi. Göydəki bütün ulduzları tanıyırdı və öz
sualları ilə müəllimlərini çətin vəziyyətə salırdı.
