Detifos şəlaləsi Avropanın ən böyük şəlaləsi olub, İslandiyanın ərazisində yerləşir. Şəlalənin hündürlüyü 45 m, eni isə 100 m-dir. Şəlalədə suyun həcmi və axının sürəti çox güclüdür. Belə ki, "sakit" günlər suyun həcmi orta hesabla saniyədə 200 m, isti günlərdə isə yağış yağarkən bu göstərici saniyədə 500 m-olur. Şəlalənin yaxınlığında dayanarkən yerin titrəməsini rahat hiss etmək olar. Həmçinin şəlalənin gurultusu insanın qulağını müəyyən müddət kar edə bilir. Birinci dəfə islandiyalı gəlmələr onu "şəlalələrin kralı" adlandırıblar. Detifos sözünün mənası tərcümədə "qaynayan şəlalə” deməkdir. Burdakı mühit İslandiyanın ən quru yeridir və torpağı qara səhra düzənliyidir. Yeganə müstəsna qərb sahilindəki təpədə yaşıl oazisin olmasıdır. Həmin sahəyə şəlalədən su sıçrayır və ona görə də torpaq həmişə münbit olur.