Dünyanın qeyri-adi otel və restoranları
"Water Discus" oteli Deep Ocean Technology studiyasının polşalı arxitekturları tərəfindən İran körfəzində suyun altında tikilib. Otelin yuxarı hissəsində vertolyotlar üçün meydança, hovuz və restoran tikilib. Otelin yuxarı hissəsi sudan 7 metr hündürlükdə, aşağı hissəsi isə 10 metr dərinlikdə tikilib. Otelin 21 nömrəsi var. Otelin əsas üstün cəhəti ondan ibarətdir ki, aşağı hissədə olan disk yuxarı trubaya qədər qalxa bilir. Arxitekturların iddiasına görə proyekt sunamiyə və digər təbii fəlakətlərə qarşı təhlükəsiz tikilib.
"Bürc Əl-ərəb" oteli sahildən 280 metr uzaqlıqda tikilib. Otelin 202 nömrəsi var. Bütün nömrələr son texnika və dizayna uyğun hazırlanıb. Otaqların hamısında dənizin gözəl mənzərəsinə açılan pəncərələr var.
"LumiLanna Snowcastle" – bura dünyanın ən böyük qar qalalarından biridir və kiçik fin şəhəri olan Kemidə yerləşir. Hər il burada buzdan və qardan restoran və otel tikilir, onların formaları hər mövsümdə dəyişir. Restoran 180 müştəri üçün nəzərdə tutulub və işıqlı lampalarla bəzədilib.