Lanqkavi körpüsü

Lanqkavi körpüsü və ya qeyri-adi körpü (ona bəzən Lanqkavi səma körpüsü də deyilir) Malayziyada yerləşir. Körpü 700 metr hündürlükdə Qanunq dağları arasındakı yolu birləşdirir. Körpünün uzunluğu 125 metrdir. Buradan Andaman dənizindəki adalara, yaşıl tropik meşələrə və dağlara gözəl mənzərə açılır. Körpünün sonunda turistlər üçün oturub dincəlmək və gözəl təbiət mənzərəsindən həzz almaq üçün oturacaqlar quraşdırılıb.

Körpünü forması əyridir və ona görə də turistlər fərqli rakurslardan fərqli mənzərəyə baxa bilərlər. Körpüdə olarkən tam təhlükəsizliyi hiss etmək olar. Ona görə ki. Körpünün qırağı ilə poladdan hazırlanmış ikiqat məhəccər barmaqlıqlar yerləşdirilib. Amma yenə də hava yağışlı olanda körpüdə gəzmək təhlükəli olur, ona görə də körpü turistlər üçün müvəqqəti bağlanır.