Meteor nədir?

Meteor ( yunanca-göydə uçan deməkdir) bərk hissəciklərdir. Atmosferə daxil olduqda onun yuxarı qatlarında baş verən hadisələr nəticəsində meteorlar atmosfer ilə qarşılıqlı təsirdə başlanğıc kütləsini itirməyə başlayır.

Bu zaman işıqlanma baş verir və onların ionlaşmış izi yaranır. Çox da parlaq olmayan meteorlar qəflətən yaranıb gecə göyündə sürətlə hərəkət edən və sönən ulduz kimi müşahidə olunduğundan "uçan ulduz” da adlanır.

Meteorlar insanlara hələ qədim əfsanələrdən və bir çox xalqın əsatirlərindən məlumdur. Görkəmli filosoflar Anaksaqor meteoru günəşin daş kütləsinin parçaları, Aristotel isə yerin odlu göy sferasına yaxınlaşdıqda alovlana buxarlanması kimi təsvir etmişdir.