Dünyanın müxtəlif ölkələrinin ən məhşur şirniyyatları
1.Türkiyə-lokum
Lokum- türk şirniyyatı olub, qənddən və ya undan hazırlanır. Sonra içinə kraxmal və qoz (püstə, badam,kakos və s.) əlavə olunur. XVIII əsrin sonunda İstanbulda Hacı Bəkir lokumun bir neçə yeni variantını hazırladı və ona qozu əlavə etdi. 1897-ci ildə Hacı Bəkirin nəvəsi Mehmet Muhiddin "rahat lokumu” hazırlayıb Brüsseldə Avropa publikasına təqdim etdi. Şirniyyata görə qızıl medal alan Mehmet Muhiddin Avropaya "rahat lokum"un satışı ilə bağlı müqavilə imzaladı.
2. İspaniya-turron
Turron şirniyyatı nuqa və qozdan hazırlanır. Hal-hazırda turrona təkcə İspaniyada deyil həmçinin İtaliyada və Fransada da rast gəlinir. Artıq XVI əsrin əvvəllərində turron Avropa mətbəxinə məlum idi. Belə ki, kral II Filipin aşbazı "Conduchos de navidad"(Kondukosda milad bayramı) kitabında qeyd edir ki, "Xixonun bütün evlərinin bacalarından bal qoxusu gəlirdi". Bu cümlə o anlama gəlir ki, həmin vaxt evlərdə turron bişirilirdi. Məşhur ispan yazıçısı Lope de Veqa "Lakey" romanında və Tirso de Molina "Sevilyalı çoxgülənlər" povestində Alikante turronundan bəhs edirlər.
3. Özbəkistan-nabat
Kristal qənd olan "nabat" Orta Asiya xalqlarının məhşur şirniyyatlarından sayılır. Nabat ekoloji cəhətdən təmiz şirniyyat sayılır. Belə ki, şirniyyat əl ilə hazırlanır və heç bir kimyəvi elementlər əlavə olunmur. Özbəkistanda nabat bir çox xəstəliklərin müalicəsində də istifadə olunur.
4. Çin-karamelli meyvə
Çində bir çox şirniyyatlar var. Onlardan ən məhşuru "karamelli meyvə”dir. Karamelə alma dilimləri, banan, kivi və ərik əlavə edilir.
5. Yunanıstan-qalatombureko
Qalatombureko şirniyyatı Yunanıstanın ən məhşur şirniyyatlarından sayılır. Şirniyyata manna yarması, kərə yağı, süd, vanil əlavə olunur. Hazır olub süfrəyə veriləndə üzərinə portağal suyu əlavə olunur.
6. İsveçrə-basler laker şirniyyatı
Basler zərif ağızda əriyən ballı pryanikdir. Şirniyyatın hazırlanmasında buğda unundan, baldan, portağal və limon qurusundan, badamdan və qozdan istifadə olunur. Şirniyyatın tarixi XV əsrə təsadüf edir. Həmin vaxt şirniyyat kilsə toplantısında əhaliyə qəlyanaltı kimi verildi və əhali onu "Lebkücher” adlandırdı. Şirniyyatın adı çox sadə olduğundan əhali onu adını dəyişdi və 1720-ci ildən etibarən şirniyyatın rəsmi adı "Basler Läckerli” oldu.
7. Fransa-trufel
Klassik fransız trufeli yumru konfet formasında olub qanaşdan hazırlanır. Qanaşın hazırlanmasında şokolad kremindən və kərə yağından istifadə olunur. Qanaşın üzərinə kakao tozu əlavə olunur.
